वीरगन्ज,२८बैशाखः वीरगन्ज महानगरपालिकाको बजार अनुगमन समितिले वीरगन्जमा रहेका होटल र रेष्टुरेन्टहहरुमा अनुगमनलाई निरन्तरता दिएको छ । वीरगन्जका नाम चलेका होटल र रेष्टुरेन्टहरुमा गुणस्तरहीन खानेकुराहरु बिक्रिवितरण हुदै आएको जनगुनासोपछि बजार अनुगमन समितिले बिहीबारदेखि फेरि अनुगमनलाई निरन्तरता दिएको छ ।
यसैक्रममा शुक्रबारपनि अनुगनमन समितिले होटल मकालु डिलाइट गो का साथै ब्रियानी हाउसहरुमा अनुगमन गरेको छ । त्यसक्रममा होटल मकालुको फ्रिजमा शाकाहारी र मांसाहारी खानेकुरा एकै ठाँउमा राखिएको र म्याज गुज्रिएको बियरपनि फेला परेको अनुगमन टोलीमा सहभागी वीरगन्ज महानगरका कार्यपालिका सदस्य कन्हैया ठाकुरले जानकारी दिए । साथै होटल मकालुले वीरुगन्ज महानगरपालिकाबाट व्यवसाय दर्ता इजाजतपत्रपनि नलिएको भेटिएको उनले बताए ।
यस्तै डिलाइट गो रेष्टुरेन्टमा गरिएको अनुगमनका क्रममा भान्छाको फ्रिजमा मासुजन्य खाद्य सामाग्री ¥याप नगरी राखिएको अवस्थामा भेटिएको तथा उसलेपनि महानगरपालिकाबाट व्यवसाय दर्ता इजाजत पत्र नलिएको पाइएको ठाकुरले बताए ।
यस्तै शुक्रबार अनुगमन गरिएका होटल जाइका ब्रियानी र होटल सम्मा ब्रियानीमा मासु काट्ने , पकाउने लगायतका स्थान निक्कै फोहोर र अव्यस्थित अवस्थामा भेटिएको उनले बताए ।त्रूटी भेटिएका होटल र ब्रियानी हाउसहरुलाई एकपटकका लागि सचेत गराइएको भन्दै ठाकुरले अब उप्रान्त कुनै त्रूटी भेटिए कानुन अनुसार कारबाहीको दायरामा ल्याउने चेतावनीसमेत दिइएको उनले बताए ।
यसअघि बिहीबार बजार अनुगमन समितिको टोलीले केएफसी रेष्टुराँ र क्लार्क रिसोर्टमा पुगेर अनुगनमन गरेको थियो ।