वीरगन्ज,२५चैतःनेपाली बजारमा सुनको मूल्य लगातार बढिरहेको छ ।लगातार उकालो लागेको सुनको मूल्यमा आइतबार नयाँ कीर्तिमान कायम भएको छ ।
नेपाल सुनचाँदी व्यवसायी महासंघका अनुसार आइतबार छापावाला सुनको मूल्य प्रतितोला १ लाख ३५ हजार ६०० रुपैयाँ पुगेको छ ।गत शुक्रबार छापावाला सुनको मूल्य प्रतितोला १ लाख ३२ हजार ७०० रुपैयाँ थियो ।आइतबार तोलामा २ हजार ९०० रुपैयाँले बढेर १ लाख ३५ हजार ६०० रुपैयाँ कायम भभएको हो ।
यस्तै, तेजाबी सुनको मूल्य पनि प्रतितोला २ हजार ९०० रुपैयाँले १ लाख ३४ हजार ९५० रुपैयाँ निर्धारण भएको छ ।गत शुक्रबार तेजाबी सुन तोलाको १ लाख ३२ हजार ५० रुपैयाँमा कारोबार भएको थियो ।
यसैगरी चाँदीको मूल्य पनि बढेको छ ।महासंघका अनुसार आइतबार चाँदीको मूल्य प्रतितोला १ हजार ६७० रुपैयाँ निर्धारण भएको छ । गत शुक्रबार चाँदीको मूल्य १ हजार ६१५ रुपैयाँमा कारोबार भएको थियो ।