वीरगन्ज,२७पुष: शनिबारदेखि सुरु हुने प्रधानमन्त्री कप पुरुष क्रिकेट प्रतियोगिताका लागि घाेषणा गरिएको मधेस प्रदेशकाे टिममा पर्साका दुई जना खेलाडी परेका छन् ।
हरिशंकर साहकाे कप्तानीमा घाेषणा गरिएकाे मधेस प्रदेशकाे १३ सदस्यीय टिममा पर्साबाट सम्साद अन्सारी र रन्जित कुमार पर्न सफल भएका हुन् ।टिमकाे उप-कप्तान पवन सर्राफ रहेका छन् ।
मधेस प्रदेशले आफ्नाे पहिलाे खेल काेशी प्रदेशसंग खेल्नेछ। यी दुई बिचकाे खेल शनिबार भैरहवाकाे सिद्धार्थ मैदानमा हुनेछ ।
प्रतियोगितामा मधेस प्रदेशसहित सात वटै प्रदेश र तीन विभागिय टिम गरी कूल १० वटा टिमले भाग लिने भएका छन् ।
माघ २० गतेसम्म चल्ने प्रतियोगिताका खेलहरु काठमाडौंकाे त्रिवि क्रिकेट मैदान, मूलपानी क्रिकेग मैदान र भैरहवाकाे सिद्धार्थ मदानमा हुने क्यानले जनाएको छ।