वीरगन्ज ,१असाेज: महिलाहरुको महान चाड हरितालिका तीजको अवसरमा पर्साकाे ठाेरी गाँउपालिका १ भगवाननगरमा आयाेजित तीज कप फुटबल प्रतियोगिताकाे उपाधि आयाेजक जनचेतना युवा क्लबले जितेको छ ।
भगवाननगरकाे क्यामुनाघारी खेल मैदानमा साेमबार भएकाे फाइनल खेलमा थ्री स्टार क्लबलाई ४-१ गोलले पराजित गर्दै आयोजक जनचेतना युवा क्लबले उपाधि जितेकाे हाे ।
उपाधीसंगै आयाेजक जनचेतना युवा क्लब नगद ५१ हजार रुपैयाँ र उपविजेता थ्रीस्टार क्लबले नगद २५ हजार रुपैयाँसहिथ शिल्ड प्राप्त गरेकाे छ ।