Madhes Khabar
राजनीति हेडलाइन

बारामा यसपालि इतिहासकै सबैभन्दा स्वच्छ र निष्पक्ष चुनाव भएकाे छ: प्रदीप यादव

मधेसखबर
वीरगन्ज ,१५ बैशाख : पर्सा क्षेत्र नम्बर १ प्रतिनिधि सभा सदस्य (सांसद) प्रदीप यादवले बारा २ मा यसपटक इतिहासकै सबैभन्दा स्वच्छ र निष्पक्ष चुनाव भएकाे दाबी गरेका छन् ।

शुक्रबार प्रतिनिधि सभाकाे बैठकमा बाेल्दै सांसद यादवले यस्ताे दाबी गरेका हुन् । उनले भने, बारामा यसपालि जस्ताे निष्पक्ष र स्वच्छ चुनाव यसअघि कहिल्यैपनि भएकाे थिएन् ।

तर चुनाव हारेका केही दलका नेताले बारा २ मा भएकाे निर्वाचन बारे भ्रम छर्दै हिडेकाे यादवले बताए । जनमत पार्टीका अध्यक्ष एंव सांसद डा. सिके राउतले यसअघिको संसद बैठकमा बारा २ मा यसपालि सत्ताकाे लाठी र बन्दुककाे बलमा चुनाव गराएर जसपाका अध्यक्ष उपेन्द्र यादवलाई जबरजस्ती जिताइएकाे आराेप लगाएका थिए ।

राउतकाे उक्त अभिव्यक्ति प्रति लक्षित गर्दै सांसद यादवले भने, चुनावमा हारेका एक पार्टीका नेताले बुथ कब्जा भयाे, फर्जी मतपत्र खसालियाे, धाँधली भयाे भनेर जुन आराेप लगाइ रहनु भएको छ त्याे आराेप बेबुनियाद छ, त्यहाकाे जनतालाई नै साेधे हुन्छ जनता धेरै खुशी छन् ।

सांसद यादवले बारा २ मा ३४ जना उम्मेदवारले चुनाव लडेकाे भएपनि जनमतका बाहेक अरु सबै उम्मेदवारले पराजय सहज रुपमा स्विकारी सकेकाे भएपनि एक जना मात्रैले हार स्विकार गर्न नसकेर नाटक गर्दै हिडेकाे बताए ।

यादवले बारा २ मा शान्तिपूर्ण र स्वच्छ निर्वाचन गराएकाेमा निर्वाचन आयाेग र सुरक्षा निकायलाई धन्यवाद ज्ञापन पनि गरे ।

Related posts

काँग्रेसले टिकट नदिएका कुर्मी काँग्रेसलाइ नै हराउदै वडा अध्यक्षमा निर्वाचित

MadhesKhabar

पार्टी फुटेपछि उपेन्द्र यादवले केन्द्रीय समिति दाेब्बर बनाए

MadhesKhabar

वीरगन्जको पशुपतिनाथ मन्दिरमा सोमबार तीन धामका पुजारी बोलाएर महाआरती हुदै

MadhesKhabar

Leave a Comment