मधेसखबर
वीरगन्ज ,१९ चैत : सेवाग्राहीसंग घुस रकम लिएको आरोपमा बाराको मालपोत कार्यालयका एक कर्मचारी सहित दुई जना पक्राउ परेका छन् ।
पक्राउ पर्नेहरुमा कलैया स्थित मालोपत कार्यालय बाराको राजश्व फाँटका कर्मचारी रामविश्वास साह कानु र लेखापढी व्यवसायी गौरीशंकर कुशवाहा रहेका छन् ।
अख्तियार दुरुपयोग अनुसन्धान आयोगको क्षेत्रीय कार्यालय हेटौंडाबाट खटिएको टोलस्ले सेवाग्राहीसंग १५ हजार रुपैयाँ घुस लिएको आरोपमा घुस रकमसहित कानु र कुशवाहालाई पक्राउ गरेको अख्तियारको हेटौडा स्थित कार्यालयका सूचना अधिकारी विष्णुप्रसाद सापकोटाले जानकारी दिए ।
उनका अनुसार , जग्गा रजिष्ट्रेसन पास गराइदिने भन्दै एक सेवाग्राहीसँग आइतबार अपरान्ह कार्यालय छेउकै एक पसलमा १५ हजार रुपैया घुस लिदैं गरेको अवस्थामा ती दुवैलाई अख्तियारको टोलीले नियन्त्रणमा लिएको हो ।
घुस रकम सहित पक्राउ परेका दुवैलाई आइतबार हेटौंडा स्थित कार्यालयमा राखेर सोमबार काठमाडौं स्थित आयोगमा पुरयाएर बुझाइने जानकारी पनि सापकोटाले दिए ।