मधेसखबर
वीरगन्ज, २१ कार्तिक : पर्साको बहुदरमाई नगरपालिका वडा नम्बर १ बिश्रामपुरमा जसपा–एमालेको चुनावी सम्पर्क कार्यालय स्थापना गरिएको छ ।
मंसिर ४ को प्रदेश तथा प्रतिनिधि सभा निर्वाचनलाई लक्षित गरेर विश्रामपुरमा जसपा– एमाले गठबन्धनको संयुक्त चुनावी सम्पर्क कार्यालय स्थापना गरिएको हो । सोमबार बिहान पर्सा क्षेत्र नम्बर ३ का जसपा–एमााले गठबन्धनका प्रतिनिधिसभा सदस्यका उम्मेदवार राज कुमार पुग्ताले रिबन काटेर कार्यालयको उद्घाटन गरेको एमालेका नेता शिव पटेलले जानकारी दिए ।
त्यस अवसरमा जसपा–एमाले गठबन्धनबाट प्रदेशसभा सदस्यकी उम्मेदवार डा.मधु गुप्ता कुर्मी , पर्सा क्षेत्र नम्बर ३ का निबर्तमान प्रतिनिधिसभा सदस्य हरि नारायण रौनियार लगायतको उपस्थिति थियो ।