मधेसखबर
वीरगन्ज , २० कार्तिक : पर्सा क्षेत्र नम्बर ४ अन्तर्गत पर्ने छिपहरमाई गाँउपालिका वडा नम्बर ३ जयमङ्गलापुरमा नेपाली काँग्रेसका प्रतिनधिसभा सदस्यका उम्मेदवार रमेश रिजालकाे भव्य स्वागत गरिएको छ ।
चुनावी घरदैलाेका क्रममा आइतबार बिहान पुगेका रिजाललाई जयमङ्गलापुर र बुडगाइका मतदाताहरुले अबिर टीका र माला लगाएर स्वागत गरेका हुन् ।
घरघरबाट स्वस्फूर्त रुपमा निस्किएर गृहिणी महिला, बृद्धबृद्धा र युवाहरुले रिजाललाई स्वागत गर्दै यसपालि अत्याधिक मत दिएर काँग्रेस नेतृत्वको गठबन्धनलाई जिताउने घाेषणा पनि गरे।
त्यस क्रममा काँग्रेस केन्द्रीय सदस्य समेत रहेका रिजालले जनताकाे अपार माया , समर्थन र भराेसाले आफुलाई थप जिम्मेवार बनाएकाे भन्दै जनताकाे याे भराेसालाई आफुले कदापि टुट्न नदिने वाचा गरे । मतदाताहरुसंग उनले भने, तपाईहरुकाे याे आत्मियताले म आजन्म ऋणी भएकाे छु , यसलाई म बाँचुन्जेल चुकाउने काेशिश गरिरहने छु ।
चुनावी घरदैलाे कार्यक्रममा प्रदेशसभा सदस्यमा माओवादी केन्द्रकि उम्मेदवार शेख चाँद ताराका साथै काँग्रेस र माओवादी केन्द्रका नेता कार्यकर्ताहरुकाे पनि सहभागीता थियाे ।