काठमाडौं,४असोजः सुस्तामा भारतीय एसएसबीहरु हतियारसहित छिरेको घटनाको विरोधममा गरिएको प्रदर्शनमा पक्राउ गरिएका राष्ट्रिय जेनजी नागरिकका अभियन्ताहरू छुटेका छन् । तत्काल रिहा गर्न सर्वोच्च अदालतले आदेश दिएसँगै उनीहरू रिहा भएका हुन् ।सीमा सुरक्षाको विषयमा शान्तिपूर्ण प्रदर्शन गर्ने नागरिकहरूलाई पक्राउ गरी हिरासतमा राख्नु गैरकानूनी भएको सर्वोच्चको ठहर छ ।
न्यायाधीशद्वय कुमार रेग्मी र महेश शर्मा पौडेलको संयुक्त इजलासले मंगलबार बन्दी प्रत्यक्षीकरण रिटमाथि सुनुवाइ गर्दै अजय सोडारी (पूर्ण बहादुर बुढा) र वीरजंग विकलाई थुनामुक्त गर्न भनेको छ ।
नेपाल–भारत सीमाको सुस्ता क्षेत्रमा भारतीय सीमा सुरक्षा बल (एसएसबी) हतियारसहित प्रवेश गरेको विषयमा गत जेठ २९ गते उनीहरूले माइतीघर मण्डलामा शान्तिपूर्ण विरोध प्रदर्शन गरेका थिए । प्रदर्शनपछि फर्किने क्रममा बाटोबाटै पक्राउ गरिएको थियो ।
सर्वोच्चले सीमा सुरक्षाको आवाज उठाउनु नागरिकको कर्तव्य भएको बताएको छ । ‘नेपालको सीमा सुरक्षा हुनुपर्दछ भन्ने विषयमा सचेत नागरिकको आवाज उठाएको कार्यलाई संविधान वा कुनै पनि कानून विपरीतको कार्य मान्न मिल्ने देखिँदैन’, सर्वोच्चले भनेको छ ।
उपभोक्ता हित संरक्षण मञ्चले अदालतको आदेश पूर्ण रूपमा कार्यान्वयन नभएसम्म उपभोक्ता अधिकार संरक्षणका लागि कानुनी तथा जनचेतनामूलक गतिविधि निरन्तर जारी राख्ने चेतावनीसमेत दिएको छ।साभारःनेपालप्रेस