धनुषा,२मंसिर : मधेस प्रदेशका मुख्यमन्त्री सराेजकुमार यादवलाई बर्खास्त गर्न माग गर्दै आन्दोलनरत ७ राजनीतिक दलले आज (मंगलबार)पनि सडकमा धर्ना जारी राखेका छन् ।
मुख्यमन्त्रीको बर्खास्तीको माग गर्दै ७ दलले जनकपुरस्थित मधेस भवन अगाडिकाे सडकमा विगत ९ दिनदेखि धर्ना दिँदै आएका छन् ।
७ दलीय गठबन्धनमा नेपाली कांग्रेस, जसपा नेपाल, जनमत पार्टी, नेकपा (माओवादी केन्द्र), लोसपा नेपाल, नेकपा (एस) र नागरिक उन्मुक्ति पार्टी सामेल छन्।