काठमाडौं,७माघ : दक्षिण अफ्रिकामा चलिरहेको यु–१९ विश्वकप क्रिकेट अन्तर्गत आइतबार जारी खेलमा नेपाललाई न्युजील्यान्डले ३०३ रनको लक्ष्य प्रस्तुत गरेको छ। स्नेहिथ रेड्डीको सतकमा न्युजिल्यान्डले निर्धारित ५० ओभरको खेलमा ८ विकेटको क्षतिमा ३०२ रन बनाएको हो ।
रेड्डी १४७ रनमा अविजित रहे। १२५ बल खेलेका उनले ११ चौका र ६ चौका प्रहार गरे। त्यसअघि टम जोनेश ३३ रन, लुके वाट्सन १४ रन, ओस्कार ज्याक्सन ७५ रन, एलेक्स १३ र म्याट २ रन बनाएर पेभेलियन फर्किएका थिए। ओलिभर, लचलन र ज्याक शून्य रनमै आउट भएका थिए।
नेपालका लागि सुवास भण्डारीले ३ र गुल्शन झाले २ विकेट लिए। त्यस्तै दीपेश कँडेल, तिलक भण्डारी र आकाश त्रिपाठीले एक–एक विकेट लिए। न्युजील्यान्डले टस जितेर पहिले ब्याटिङ गरेको थियो।