वीरगन्ज,२०असाेज: चीनमा जारी १९ओैं एसियाली खेलकुद अन्तर्गत पुरुष तर्फकाे क्रिकेटको उपाधिका लागि आज शनिबार भारत र अफगानिस्तान खेल्दैछन् ।
भारत र अफगानिस्तानबिचकाे फाइनल खेल चीनको हाङझाउमा नेपाली समय अनुसार बिहान पौने १२ बजेदेखि शुरु हुनेछ । उपाधि जित्ने टोलीले स्वर्ण पदक प्राप्त गर्नेछ ।
यसअघि हिजाे शुक्रबार भएको पहिलो सेमिफाइनल खेलमा बङ्लादेशलाई हराउँदै भारत र दोस्रो सेमिफाइनल खेलमा पाकिस्तानलाई हराउँदै अफगानिस्तान फाइनलमा पुगेको हो ।
क्रिकेटमा सहभागी नेपाल भने क्वाटरफाइनलमा भारतसँग पराजित हुँदै बाहिरिएको थियो ।