मधेसखबर
वीरगंज , फाल्गुन १३ गते : वीरगन्जमा कलेजका विधार्थीहरुद्वारा दुई दिने रात्रीकालिन खाना तथा सांस्कृतिक मेला सुरु भएको छ । वीरगन्ज महानगरपालिकाको मुख्य प्रायोजन तथा वीरगन्ज कलेजको आयोजनामा शुक्रबारदेखी मेला सुरु भएको हो ।
मेलामा करीब २५ वटा विभिन्न खाना तथा खाजाका परिकारको स्टल रहेको वीरगन्ज कलेजका अध्यक्ष डाक्टर दीपेन्द्र कुमार चौधरीले जानकारी दिए ।
कलेजका विद्यार्थीलाई अध्ययनसंगसंगै सिप पनि सिक्दै जाऔं र कमाउदै जाऔं अर्थात सिप सिकेर व्यवहारमा लागु गर्दै आर्थिक आम्दानीको पाटो जागिर , नोकरी मात्र नभई व्यवसाय तर्फ पनि उत्तिकै चासो राखौँ भन्ने अवधारणाका साथ व्यापार व्यावसाय गर्ने र कमाउने तरिकाको साथै स्थानीय मौलिक खानाको प्रबर्द्धन गर्ने उद्देश्यले उक्त मेलाको आयोजना गरीएको डाक्टर चौधरीले बताए ।
मेलामा कलेजका विद्यार्थीहरु स्वय् आफैले खानाका परिकार बनाउने र विक्री गर्ने र परिकार विक्री गरेर आउने आम्दानी पनि स्वय् विधार्थीहरुले नै राख्ने बताईएको छ ।
छोरा वा छोरी सबैले खाना पकाउने देखी व्यवसायसम्म बराबर छन् , कोही कोही भन्दा कम छैनन् तथा सबैले सबै काम गर्न सक्नुपर्छ भन्ने पाठ सिकाउने तथा विधार्थीहरुलाई प्रोत्साहन गर्ने उद्देश्यले पनि यस मेलाको आयोजना गरीएको आयोजकले जनाएको छ ।
शुक्रबार दिउँसो ३ बजेबाट सुरु भएको रात्रीकालिन खाना तथा सांस्कृतिक मेलाको वीरगन्ज महानगरपालिकाका नगरप्रमुख राजेशमान सिंहले उद्धघाटन गरेका थिए । मेला आज र भोली राति १० बजेसम्म लाग्ने आयोजकले जनाएको छ ।