वीरगन्ज,६मंसिरः मधेस प्रदेशका पूर्वमुख्यमन्त्री जितेन्द्र सोनलले प्रधानमन्त्री बालेन शाहको भारत भ्रमणको सफलताका लागि शुभकामना दिएका छन् ।
प्रधानमन्त्री शाह दुई दिने भारतको राजकीय भ्रमणमा आइतबार भारत जान लागेका छन् । सोमबार शाहले समकक्षी नरेन्द्र मोदीसगँ भेटवार्ता गर्नेछन् ।
मधेसका पूर्वमुख्यमन्त्री सोनलले प्रधानमन्त्री शाहको छिमेकी मित्र राष्ट्र भारतको पहिलो पटकको औपचारिक भ्रमणले नेपाल र भारतबीचको सम्बन्ध थप विकसित भई अगाडी बढोस् भन्ने कामना गरेका छन् ।
साथै यस भ्रमणले नेपालका विकासे परियोजनाहरुमा भारतका तर्फबाट सहयोग प्राप्त हुने अपेक्षा गर्दै सोनलले नेपाल र भारतबीचको सांस्कृतिक सम्बन्ध लगायत बहुआयमिक सम्बन्धले अझ उचाई प्राप्त गर्ने विश्वास आँफुले लिएको बताएका छन् । साथै प्रधानमन्त्री शाहको भारत भ्रमणको सफलताको लागि पनि उनले शुभकामना दिएका छन् ।

