वीरगन्ज,११ माघ : नेपाल चिकित्सक संघ नारायणी अञ्चल शाखाको उपाध्यक्षमा डा. राम किशोर सिंह अत्याधिक मतका साथ निर्वाचित भएका छन् ।
वीरगन्जमा शनिबार भएको निर्वाचनको आइतबार बिहान घोषित मतपरिणाम अनुसार, अध्यक्षमा डा. गुप्ता फराकिलो मतान्तरका साथ विजयी हुदाँ उपाध्यक्षमा उनकै प्यानलका डा. सिंह निर्वाचित भएका हुन् । उपाध्यक्षमा डा. सिंह २४० मतका साथ विजयी हुदाँ उनका प्रतिस्पर्धि डा. राजदेव कुशवाहा प्यानलका उम्मेदवार डा. चन्द्रकान्त पासवानले भने १६० मत मात्रै पाए ।
अध्यक्षमा भने डा. गुप्ता २५९ मतका साथ अध्यक्षमा विजयी हुदाँ उनका प्रतिस्पर्धि डा. राजदेव कुशवाहाले भने १५७ मात्रै प्राप्त गरे ।अध्यक्षमा निर्वाचित डा. गुप्ता यसअघिपनि संघको अध्यक्ष थिए ।
नयाँ नेतृत्व चयनका लागि वीरगन्जमा शनिबार भएको निर्वाचनमा कुल ७६६ मतदाता रहेकोमा ४२० मत खसेको थियो । नेपाल चिकित्सक संघ नारायणी अञ्चल शाखामा पर्सा र बारा जिल्लामा कार्यरत डाक्टहरु आबद्ध छन् ।