वीरगन्ज, ३ साउन : एसीसी इमर्जिङ टिम्स एसिया कपमा यूएई ए माथि नेपालले सानदार जित हात पारेको छ ।श्रीलंकाको पी सारा ओभलमा मा बुधबार भएको खेलमा नेपालले यूएई ए लाई ३ विकेटले पराजित गरेको हो ।
यूएई ए ले दिएको १५८ रनको लक्ष्य नेपालले २३ ओभरमा ७ विकेट गुमाउँदै भेट्टाएको हो । नेपालका लागि कुशल भुर्तेलले बलिङ तर्फ ६ विकेट र ब्याटिङ तर्फ ७१ रनको आक्रामक पारीसहित अलराउन्ड प्रदर्शन गरेका हुन् ।
यूएई एका लागि मोहम्मद फराजुद्धिनले ५ विकेट लिए । टस जितेर पहिला ब्याटिङ गरेको यूएई ४४ ओभरमा १५७ रनमा अलआउट भएको थियो ।नेपालका लागि कुशल भुर्तेलले १० ओभरमा ४० रन खर्चेर ६ विकेट लिए ।