बारा,११ बैशाख :बारा क्षेत्र नं. २ मा आइतवार भएको उपनिर्वाचनकाे मतगणना अहिले बिहान ११ बजेदेखि सुरु गर्ने सहमति भएकाे छ ।
कलैयाकाे गंगापुर स्थित शिक्षा तालिम केन्द्र स्थित मतगणनास्थलमा साेमबार बिहान बसेकाे सर्वदलीय बैठकले मतगणना बिहान ११ बजेदेखि सुरु गर्ने सहमति गरेकाे मुख्य निर्वाचन अधिकृत मुकेश उपाध्यायले जानकारी दिए ।
बैठकले मतगणना हुने काेठामा ३४ जना उम्मेदवारका २/२ जना प्रतिनिधि बस्न पाउने सहमति पनि गरेकाे बैठकमा सहभागी एमाले नेतृ एंव पुर्वमन्त्री ज्वाला साहले जानकारी दिए ।
बारा २ मा आइतबार भएकाे निर्वाचनमा ६८ हजार ८ सय ८७ मत खसेकाे थियाे ।