वीरगन्ज,३०पुस : सर्लाहीमा शुक्रबार राति रोकिराखेको ट्रकमा मोटरसाइकल ठोक्किदा एक युवकको मृत्यु भएको छ ।बागमती नगरपालिका वडा नम्बर २ स्थित सडकमा बिग्रिएर रोकिराखेको ना ५ ख ७५६४ नम्बरको उखु लोड गरेको ट्रकमा बरहथवाबाट नयाँरोडतर्फ आउँदै गरेको बागमती प्रदेश ०३–००४ प १५९३ नम्बरको मोटरसाइकल ठोक्किएको हो ।
दुर्घटनामा मोटरसाइकल चालक सर्लाहीकै गोडैता नगरपालिका–४ का ३२ वर्षिय विश्वजित हजारीको मृत्यु भएको इलाका प्रहरी कार्यालय हरिवनले जनाएको छ । ट्रकका चालक फरार भएकाले उनको खोजी भइरहेको प्रहरीले जनाएको छ