मधेसखबर
वीरगन्ज,२७ मंसिर : पर्साको ठोरी स्थित नेपाल–भारत सीमा क्षेत्रबाट प्रहरीले ठूलो परिमाणमा लागु औषध गाँजा सहितको एउटा ट्रक पक्राउ गरेको छ ।ठोरी गाउँपालिका वडा नम्बर ३ स्थित ठुटेखोला नजिकबाट सोमबार राति प्रहरीले ३ क्वीन्टल ६३ केजी गाँजा सहितको मिनि ट्रक पक्राउ गरेको हो ।
मकवानपुरको हेटौडाबाट गाँजा बोकेर ठोरी जाँँदै गरेको ना ४ ख ६५५५ नम्बरको ट्रक प्रहरीले नियन्त्रणमा लिएको हो ।सशस्त्र प्रहरी बल नेपाल नम्बर २ छिन्नमस्ता बाहिनी मुख्यालय महोत्तरीको विशेष सूचनाको आधारमा ठोरी स्थित सशस्त्र प्रहरी बोर्ड आउर पोष्ट र इलाका प्रहरी कार्यालयबाट खटिएको संयुक्त टोलीले ठुटे खोला नजिकै उक्त ट्रक रोकेर चेकजाँच गर्दा ट्रकमा पल्स बटन बनाएर २२ वटा कार्टुनमा राखिएको गाँजा बरामद भएको हो ।
ट्रकका चालक भने प्रहरीले ट्रक रोक्न लगाए लगतै ट्रक छाडि फरार भएको पर्साका प्रहरी उपरिक्षक रमेश बस्नेतले बताए । बरामद गाँजा र ट्रक जिल्ला प्रहरी कार्यालय पर्सामा राखेर अनुसन्धान भइरहेको उनले जानकारी दिए ।