आदित्य महताे
वीरगन्ज १७ जेठ
वीरगन्जमा थप १८ जनामा कोरोना भाइरसको संक्रमण पुष्टि भएको छ ।
पर्साबाट संकलन गरिएको ९२ जनाको स्वाब, नारायणी अस्पतालको प्रयोगशालामा परीक्षण गर्दा १८ जनामा मात्रै संक्रमण पुष्टि भएको हो ।
संक्रमित मध्य १० जना पर्साका ,६ जना बाराका र २ जना सर्लाहीका रहेका छन् । १७ बर्षदेखि ९० बर्ष उमेर समूहका १६ जना पुरुष र २ जना महिला गरि १८ जनामा कोरोना संक्रमण पुष्टि भएको नारायणी अस्पतालका कोभिड कोअर्डिनेटर डाक्टर सरोजरोशन दासले जानकारी दिए ।